Каһвә нәрсәдән файдалы?

Бердән, ул йөрәк-кан тамырлары системасына уңай йогынты ясый. Скандинавия белгечләре тикшеренүе нәтиҗәләре күрсәткәнчә, көненә өч чынаяк каһвә эчү йөрәк өянәге куркынычын киметә. Әгәр дә алты чынаяктан күбрәк эчсәң, киресенчә арттыра гына.

Каһвә эчәклек эшчәнлеген дә яхшырта.
Подагра, артрит вакытында да җиңеллек бирә.
Вируслы гепатит булганда бавырны саклый. Бу төр гепатитның яман шеш яки циррозга күчү процессын тоткарлап тора.
Баш миен дә яхшырта. Каһвәне даими кулланучылар тестларны яхшырак чишә ди.

Элек каһвә белән баш авыртуын да басканнар. Хәзер дә кофеин кайбер препаратлар составына кертелгән. Әмма медальнең икенче ягы да бар. Хроник баш авыртудан җәфаланучылар анальгетикларны еш кулланып, аны эчми башласалар, авыртуның кинәт кенә көчәеп китүен сизә. Каһвә белән дә шулай ук. Аңардан баш тарткан очракта, баш өянәге көчәергә мөмкин.

Паркинсон авыруы барлыкка килү куркынычын киметә. Бу авыру каһвә яратучыларда аз очрый икән. Ни өчен икәне әлегә билгеле түгел.

_{Чыганак:https://vk.com/shahrikazanda?w=wall-35721178_191132}