Лимон белән бал ярдәмгә килә...

  Ютәл төшкәндә бер лимонны аз гына суга салып, талгын утта 10 минут чамасы пешерергә кирәк. Шуннан аны алып урталай ярырга да, сутын сыгып, ике чәй калагы глицерин өстәп болгатырга һәм стакан тулганчы бал салырга.

  Кан басымы югары булганда, бал белән яшелчә сутлары тәкъдим ителә. Мәсәлән, чөгендер, кишер, шалкан сутын һәм балны бертигез күләмдә (берәр стакан) алып болгаталар. Ике-өч ай көненә өч тапкыр, ашардан бер сәгать алда, бер аш кашыгы эчәргә киңәш ителә. Катнашманы салкын урында сакларга кирәк.

  Югары ачылыклы гастрит авыруында көненә өч тапкыр, ашардан 1,5-2 сәгать алда, бал ашарга. Аннан тыш, балны җылы суда эретеп, көненә 120-150шәр грамм эчәргә мөмкин. Дәвалау курсы — 1,5-2 ай. Балны җылы су белән катнаштырып эчү зарур, бу исә ашказан мускулатурасының тонусын киметүгә һәм катнашманың яхшырак сеңүенә булышлык итә.

_{Чыганак:https://kiziltan.ru/articles/poleznoe/2024-11-07/limon-bel-n-bal-yard-mg-kil-3999672?utm_source=vk&utm_medium=social&utm_campaign=32350601}

_{Фото:https://ru.freepik.com/free-photo/honey-jar-with-lemon-ginger_4290158.htm#fromView=search&page=1&position=6&uuid=dd1d8103-2b8b-4c60-bad3-9f2daaea3466}