Апастово-информ
  • Рус Тат
  • Мендәрдә калган 2,5 см озынлыктагы тегү энәсе бер ир-атның муенына кереп киткән

    Энә йокы һәм умырткалык артерияләреннән 1-2 мм ераклыктан узган, умыртка миенә 1 мм гына барып җитмәгән

    Хабаровск өлкәсенең Комсомольск-на-Амуре шәһәрендә бер ир-атның муенына 2,5 см озынлыктагы тегү энәсе кадалган. Мендәр өстендә энә онытып калдырганнар. Ир-ат шуның өстенә ятып йокыга киткән. Ул могҗиза белән генә исән калган. Бу турыда Хабаровск өлкәсенең Сәламәтлек саклау министрлыгының матбугат хезмәтенә сылтама белән РИА Новости хәбәр итте.

    38 яшьлек ир-ат «үлемнән 1 мм ераклыкта» була. Аны нейрохирургия бүлегенә китерәләр. Аңа «муен умырткалыклары тирәсендә умырткалыкка кадалудан барлыкка килгән яра» диагнозы куелган. Табиблар пациент муеныннан 2,5 см озынлыктагы тегү энәсе калдыкларын алган.

    «Махсус кораллар ярдәмендә, умырткалыкта тегү энәсе табылды. Энә шактый тирән кергән, ул йокы һәм умырткалык артерияләреннән 1-2 мм ераклыктан гына узган, умыртка миенә 1 мм гына барып җитмәгән. Йокларга яткан ир-ат уянмаска мөмкин иде», — дигән табиблар.

    Пациент табибларга сөйләгәнчә, ул мендәрдә сынган тегү энәсен тапкан, аның җеп сапланган өске өлеше генә булган. Ир-ат муены авыртуга борчылган. Ул бу урынны карагач, энә кадалган тишем күргән. Ир-ат энәне үзе чыгарырга маташкан, тик булдыра алмаган, диелә бу хәбәрдә.

    Чыганак: https://intertat.tatar/news/incident/19-01-2021/mend-rd-kalgan-2-5-sm-ozynlyktagy-teg-en-se-ber-ir-atny-muenyna-kerep-kitk-n-5799083

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: