Апастово-информ
  • Рус Тат
  • “Мәхәббәт тарихы” бәйгесе җиңүчеләре – Апас боз сараенда

    Газетабыз сайтында барган "Мәхәббәт тарихы" бәйгесенә йомгак ясалды. Үзләренең сөю-сәгадәтләрен шигъри юлларга салып, бәйгегә юллаган һәм укучыларыбыз мәхәббәтен яулаган парлар "Алтын алка" боз сараеның сертификатына лаек булды һәм массалы шууга чакырылды. Боз сараенда массалы шуу җомга, шимбә һәм якшәмбе көннәрендә кичке сәгать сигездән тугызга кадәр дәвам итә. Райондашларыбыз бирегә бик...

    Газетабыз сайтында барган "Мәхәббәт тарихы" бәйгесенә йомгак ясалды. Үзләренең сөю-сәгадәтләрен шигъри юлларга салып, бәйгегә юллаган һәм укучыларыбыз мәхәббәтен яулаган парлар "Алтын алка" боз сараеның сертификатына лаек булды һәм массалы шууга чакырылды.

    Боз сараенда массалы шуу җомга, шимбә һәм якшәмбе көннәрендә кичке сәгать сигездән тугызга кадәр дәвам итә. Райондашларыбыз бирегә бик яратып йөри. Хәтта ерак авыллардан, тирә-күрше районнардан килүчеләр дә бар. 14 февраль - гашыйклар көнендә дә бозга 200ләп кеше килде. Алар арасында безнең бәйге җиңүчеләре Свияжский бистәсеннән Илмир һәм Фирая Хисамовлар, Апастан Кирилл Хураськин һәм Рузил Хилавиев белән Айзилә Айтуганова да бар иде.

    Фирая апаның күңеленнән шигырь ташып тора. Бу саф һәм бөек хисләрне ак кәгазь битенә төшерү бәхете һәркемгә дә бирелмәгән. Тормыштан ямь, хезмәтеннән тәм табып, иҗат ялкынында кайнап яшәүче Фирая апа бу көнне дә буш кул белән генә килмәгән иде. Ул гашыйк йөрәкләргә үзенең шигырен бүләк итте. Илмир абый да тормыштагы тиң ярының сәләтен аңлый, хуплый һәм шигырьләрен яратып укый икән. Илмир абыйны без шулай ук оста хоккей уйнаучы буларак та беләбез.

    - Бер сәгать вакытыбыз күңелле дә, файдалы да узды. Рәхмәт, бәйгеләрдә тагын да катнашырга исәп, - диделәр Хисамовлар.

    Бар җирдә актив булган, укуда да, җәмәгать эшләрендә дә сынатмаган Кирилл Хураськинның шигырен дә www.apastovo.ru сайты укучылары яратып укыды һәм югары бәяләде.

    Бу көнне боз сарае төрле утлар белән бизәлде, бәйрәм рухын алды. "Сәләт" балалар иҗат үзәге хезмәткәрләре һәм балалар Думасы депутатлары һәркемне бәйрәм белән котлады, "йөрәкләр" таратты, иң матур парларны билгеләде.

    Сайттагы киләсе бәйге 23 февраль - Ватанны саклаучылар көненә багышлана. Әтиләрегез, дәү әтиләрегез, абыйларыгыз, солдат улларыгыз, егетләрегез турындагы язмаларны һәм фотосурәтләрне безгә юллагыз.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: