Апастово-информ
  • Рус Тат
  • Миңнеханов АПК тармагына цифрлы сервисларны мөмкин кадәр күбрәк кертергә чакырды

    Яңа технологияләр куллану хезмәт җитештерүчәнлеген арттырырга, хезмәт хакын күтәрергә, яшьләрне тартырга ярдәм итә.

    (24 сентябрь, “Апастово-информ”).


    Татарстан Президенты Рөстәм Миңнеханов агросәнәгать комплексына яңа технологияләрне мөмкин кадәр күбрәк кертергә чакырды.
    “АПК тармагында авыл хуҗалыгы җитештерүенең нәтиҗәлелегенә юнәлгән эшне дәвам итәргә кирәк. Моның матур үрнәкләре бар инде. Цифрлы технологияләр кулланып, Минзәлә районының “Калмурзино” компаниясе игенчелектә акча табышын өч ел эчендә 3,5 тапкыр арттырды”, - дип, мисал китерде Миңнеханов Дәүләт Советына юлламасында.
    Резервлар бар, аларны файдаланырга кирәк, дип саный Президент. Әтнә районының “Тукай” хуҗалыгында яңа технологияләр җәлеп ителгәч, эшләүчеләрнең 70 процентын хәзер яшьләр тәшкил итә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: