Олы Бакырчыда кичке уен

"Гармунлы авылым кичләре"нең чираттагысы Кызыл Армия урамында, Галия апалар капка төбендә узды. Бирегә килүче һәркем рәхәтләнеп күңел ачты бүген: җыр, бию, онытыла барган халык уеннары, кызыклы җәзалар, кайнар коймак, самовардан яңа аертылган бал белән мәтрүшкәле чәй - барысы да авылдашларыбыз, кайткан кунакларыбыз өчен оештырылды. "Йөзек салыш" , "Чума үрдәк- Чума каз", "Ремень сугыш","Тукмак әйләндерү" уеннарында катнашып, өлкәннәребез яшьлек елларын искә алды, ә балалар аларны йотлыгып күзәтте, рәхәтләнеп уйнады.

Ландыш Моталлапова,
Олы Бакырчы мәдәният йорты мөдире.