Апастово-информ
  • Рус Тат
  • Рамазанов Татарстан Республикасында пассажирлар йөртүче автобусларны кулга алу буенча пилот проекты турында сөйләде

    Бүгенге көндә республикада сигез машинага арест салынган.

    (21 июль, “Апастово-информ”).


    Татарстанда сигез пассажир автобусына май аеннан алып, транспорт законнарын бозган өчен арест салынган. Ространснадзор дәүләт юл күзәтчелегенең Урта-Идел төбәк бүлеге җитәкчесе урынбасары Радик Рамазанов бу хакта "Татар-информ" матбугат агентлыгы белән әңгәмәсендә сөйләде.

    "Безнең арест салынган транспорт чараларын саклау буенча берникадәр проблемабыз бар иде. Республика Хөкүмәте “Юл хәрәкәте иминлеге” ГБУсына урнаштыру мөмкинлеге бирде. Бүгенге көнгә сигез транспортка арест салдык”, - диде Рамазанов.

    Аның әйтүенчә, биш автобуска пассажирларны үз белдекләре белән законсыз, регуляр маршрутта йөрткәннәре өчен, арест салынган. Ике автобуска - лицензияләр реестрына кертелмәгәнгә, ә бер автобуска транспорт хуҗасының иминиятләштерү килешүе булмаганы өчен арест салынган һәм аларның эшчәнлеге туктатылган.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: