Апастово-информ
  • Рус Тат
  • Роспотребнадзор илдә гомуми битлек режимын кертте

    Илебездә коронавируска каршы көрәш буенча чаралар көчәйтелде.

    (27 октябрь, “Апастово-информ”).


    Вирус тагы да киң җәелмәсен өчен, илдә кабат гомуми битлек режимы кертелде. Бу Карарга Россиянең баш санитар табибы Анна Попова кул куйды.
    “Халык күп булган урыннарда һәр кеше битлектән булырга тиеш. Гомуми транспортта, такси, парковка һәм лифтларда битлек киеп йөрү мәҗбүри”, - диелә документта.
    Монардан тыш, гомуми ашханәләрдә, төрле кафеларда, ашату-эчертү оешмаларында 23.00 сәгатьтән алып, иртәнге 6.00гә кадәр, төрле күңел ачу чаралары үткәрү тыела һәм, гомумән, биредә эш барышы туктатыла.
    Гомуми транспортта, такси һәм башка күп халык җыелган урыннарда дезинфекция режимы көчәйтелә.
    Регионнарга, шулай ук, 100 мең халык исәбеннән санап, коронавируска 150 тикшерү үткәрергә киңәш ителә.
    Әлеге Карар иртәгәдән, ягъни, 28нче октябрьдән үз көченә керә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: