Апастово-информ
  • Рус Тат
  • Татарча туй котлаулары

    Ай! Кояштай елмая Буген сезнең йөзегез Аерым идегез сез кичә Буген инде икегез. Ике йөрәк, бер үк җырны Җырлый башлый бүгеннән Кайгы-хәсрәт дигәннәре Ерак йөрсеннәр сездән. Дуслык, туганлык хисләре Алар сездән сүнмәсен. Үстерегез уллар-кызлар Гомер әрәм утмәсен. Тормыш булгач - барда була. Булыр авыр минутлар Бергә-бергә киңәш итсәң, Алар сездән...

    Ай! Кояштай елмая
    Буген сезнең йөзегез
    Аерым идегез сез кичә
    Буген инде икегез.
    Ике йөрәк, бер үк җырны
    Җырлый башлый бүгеннән
    Кайгы-хәсрәт дигәннәре
    Ерак йөрсеннәр сездән.
    Дуслык, туганлык хисләре
    Алар сездән сүнмәсен.
    Үстерегез уллар-кызлар
    Гомер әрәм утмәсен.
    Тормыш булгач - барда була.
    Булыр авыр минутлар
    Бергә-бергә киңәш итсәң,
    Алар сездән тиз узар.

    ****
    Алып килдек сезгә теләкләрне
    Теләгебез безнең кечкенә.
    Бер-берегез очен тормышта да
    Булыгыз сез алтын генә

    Пар кугәрченнәрдәй гөрләшеп
    Яшәгез бергә бергә
    Тату гаилә тыныч тормыш
    Бездән теләк шул сезгә.

    ****
    Борын бабалардан калган
    Бергәләп гаилә кору
    Гаилә корып тигез тыныч
    Матур тормышта тору

    ***
    Абау дустым!
    Бигрәк матур киенгәнсең!
    Тьфу! Кузем тошмәсен
    Күльмәген дә килешкәнен
    Сайлап кия белгәнең
    Үзгәрде йөрүләре
    Узгәрде келүләрең
    Әллә кайлардан күренә
    Бик бәхетле көннәрең
    Алдагы бәхет көннәрең
    Бәхетле үтсен шулай.
    Кияугә гел карап торасың
    Бигрәк яратасың бугай
    Ә син кияу?
    Хәзер безнең зур нәселдә
    Кияу булдың түгелме?
    Кадерен бел, ким-хур итмә
    Саклый бел безнең кызны.

    ***
    Ак фатаңны салып иңнәреңгә
    Утырасын табын түрендә
    Бар дөньяңның шул гузәллеге
    Чагылладыр синең йөзеңдә.

    ***
    Бер-берегезне табып кавышкансыз,
    Икегез дә нинди сөйкемле!
    Күзгә-күз карашып елмаясыз,
    Бер гөл чәчәкләре шикелле!

    Бер-берегезгә ныклы терәк,
    Иптәш, сердәш булыгыз,
    Давыл-яңгырга бирешми
    Гел янәшә торыгыз!
    Котлы булсын туегыз!

    ***
    Бүген сезнең язылышкан,
    Никахлашкан көнегез,
    Тантаналы бу мизгелнең
    Кадерләрен белегез!

    Бүген дөнья гаҗәп нурлы,
    Елмаегыз, көлегез!
    Бөтен дөнья бәйрәм итә,
    Сезне котлый - күрегез!

    Бүген сөю диңгезендә
    Рәхәтләнеп йөзегез,
    Мәрхәмәтле, бәрәкәтле,
    Бүгенгедәй мәхәббәтле
    Булсын һәрбер көнегез!

    ****
    Бәхет таң булып яктыра,
    Бәхет көне кош булып сайра,
    Бәхет ул дулкын остендә
    Аккош калдырган каурый.
    Бәхет кочактагы чәчәк,
    Утнын, ул ялкынлысы
    Маңгай тирендән бушаган
    Бәхетнең иң олысы.
    Онытмагыз, сагать санап тора
    Минутларың узып барганнын
    Югалтмагыз мәнге саклагыз сез
    Мөхәббәтнең алтын балдагын.
    Айкалмасын, чайкалмасын
    Булып торсын кесәгез
    Ике тормак роза кебек
    Гел янәшә яшэгез.

    *****
    Гаилә өчен җаваплык
    Икегезгә төшә
    Нык саклагыз мөхәббәтне
    Эш шунда гына пешә.
    Сезне ихлас тәбриклимен
    Бәхетле тормыш телим
    Олыларга ихтирамлы
    Балаларга ихтибарлы булыгыз
    Ныклы гаилә корыгыз
    Тигез тату торыгыз
    Үстерегез батыр уллар
    Унган һәм матур кызлар.
    Менә шушы инде дуслар,
    Әйтәсе килгән сүзләр.

    ****
    Зарыгып көткән туй көнегез килде,
    Бар дөньяны гөлгә, нурга кумде.
    Пар балдаклар балкый бәхет юрап,
    Барыбыз да сокланабыз сезгә карап!

    ***
    Исеңдә тот дустым, (Исем)
    Һәрвакытта бул сабыр
    Эштә оста һәм батыр
    Сүзгә кыска һәм тапкыр.

    Син дэ тыңла, (Исем)
    Сиңа да бар ике сүз,
    Өйнең яме, ашның тәме,
    Ирен сөйгән хатын кыз.

    ***
    Йөзегеңдә нурлар янсын
    Табыгыңа җыр куй әйдә
    Бөтен яктан теләк яусын
    Килен белән кияугә.

    ****
    Кияү кәләш идегез,
    Ир дә хатын булдгыз.
    Инде хәзер шушы хәлдә
    Йөзгә кадәр торыгыз.
    Үзегез күп ул-кызларга
    Ата-ана булыгыз.

    ***
    Йөзләрегез бүген көләч сезнең.
    Алдыгызда тормыш диңгезе.
    Чын күнелдән котлыйм сезне
    Бер-берегезне ныклы яратыгыз
    Кабул булсын изге теләкләр
    Тормыш сукмасында юлдаш булсын
    Типсен бергә сезнең йөрәкләр.

    ****
    Котлы булсын туегыз,
    Безгә үрнәк булыгыз!
    Мәңге, мәңге бергә булсын
    Тормыштагы юлыгыз!

    ***
    Котлы булсын яшьлек тантанасы,
    Котлы булсын сөю хисләре.
    Зур уңышлар белән алга илтсен
    Сез барачак гомер юллары.
    Тулып торсын бәхет чишмәсе,
    Ташып торсын бәхет чиләге.
    Озын гомер, саф мәхәббәт -
    Барыбызның сезгә теләге.

    ****
    Тормыш дилбегәсен ныклы тотып,
    Гомер буе бергә атлагыз.
    Йөрәкләрдә булган сөю хисен,
    Сүндермичә, мәңге саклагыз.

    Бергә типсен һәрчак йөрәгегез,
    Зур тормышка илтсен юл башы.
    Кояш кебек түп-түгәрәк булсын,
    Бәхетегез - гомер юлдашы.

    ****
    Бигрәкләр пар килгәнсез,
    Сокланмый мөмкин түгел!
    Мәхәббәтегез нурыннан
    Яктыра безнең күңел!

    Бүгеннән башлап - гаилә,
    Пар канат, пар сандугач!
    Бишек җырлары сайрарсыз
    Балаларыгыз тугач...

    Ходай сезне тиң яраткан,
    Бер-берегезгә караткан,
    Сезгә бүген дөнья да тар,
    Сез - җиһанда иң гүзәл пар!

    ***
    Олы юлга Сез чыгасыз бүген,
    Бергә кушып ике йөрәкне.
    Юл алдыннан әйтик Сезгә
    Чын күңелдән изге теләкне.

    Без телибез чын күңелдән Сезгә
    Аерылмасын тормыш юлыгыз.
    Гомер сукмакларын узган чакта
    Адашмагыз, зирәк булыгыз.

    ****
    Очраштырган сезне язмыш,
    Гашыйк парлар булгансыз.
    Чәчне чәчкә бәйләшергә
    Вәгъдәләр коргансыз.

    Тормышка аяк басасыз,
    Пар килгәнсез икегез.
    Сөешеп кенә яшәгез,
    Тигез гомер итегез!

    Бездән сезгә изге теләк:
    Бергә типсен сезнең йөрәк.
    Турә булсын түрегездә -
    Мәхәббәт бер-берегезгә.

    ***
    Парлы типсен мәңге йөрәгегез,
    Мәхәббәтнең ике кояшы.
    Кояш кебек түп-түгәрәк булсын
    Бәхетегез - гомер юлдашы.
    Кушылып үскән куш каеннар кебек,
    Бергә үтсен тормыш юлыгыз.
    Зәңгәр күлдә йөзгән пар аккоштай,
    Бәхет күлләрендә йөзегез.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: