Апастово-информ
  • Рус Тат
  • Уңганның эше дә уң булыр

    "Апас" берләшмәсенең булдыклы механизаторлары Зөфәр Шәмгунов, Илшат Хикмәтов, Раил Мәрданов, Газиз Зиннуров быел терлекләргә кышлык азык әзерләүдә иң-иңнәр булып танылдылар. Берләшмәнең баш идарәчесе Рафил Илалов, Акхуҗа бүлекчәсе җитәкчесе Рамил Гайнуллин әнә шулай диләр. - Алар салган сенажның сыйфаты югары булачагы бүгеннән үк билгеле. Чөнки, көнне-төнгә ялгап, технологияне бозмыйча башкарылган эш...

    "Апас" берләшмәсенең булдыклы механизаторлары Зөфәр Шәмгунов, Илшат Хикмәтов, Раил Мәрданов, Газиз Зиннуров быел терлекләргә кышлык азык әзерләүдә иң-иңнәр булып танылдылар.
    Берләшмәнең баш идарәчесе Рафил Илалов, Акхуҗа бүлекчәсе җитәкчесе Рамил Гайнуллин әнә шулай диләр.
    - Алар салган сенажның сыйфаты югары булачагы бүгеннән үк билгеле. Чөнки, көнне-төнгә ялгап, технологияне бозмыйча башкарылган эш һәрчак уңа, сыйфатлы була, - ди ике җитәкче беравыздан.
    Гомумән, "Апас" берләшмәсендә бик тырыш халык яши һәм җир жимертеп эшли дә. Инвестор-"Ак Барс" Аграр Холдинг компаниясе һәм "Зөя" агрофирмасы җитәкчелеге 1200 баш ит токымлы терлекләр өчен яңа, заманча комплексның чираттагысын бу якларда төзүне әнә шуңа нигезләнеп һәм ышанып башлады. Ә терлекләр өчен күп һәм сыйфатлы азык, нык, яңа корылмалар кирәк. Берләшмә ферма-кырлары, төзелеш мәйданнарында бүгенге матур үзгәрешләрнең дәвамлы булачагына да беркем шикләнми бүген.
    Көннәр матур торганда берләшмәдә эш ике сменада оештырылган. Басу-кырларында эшләүчеләрне тәмле аш-судан өзмиләр. Вакытның кадерле чагы бүген. Һәм моны бөтенесе бик яхшы аңлый.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: