Апастово-информ
  • Рус Тат
  • Апасның гүзәл кызын Казан сәхнәсе көтә

    Яшел Үзәндә республикакүләм "Татар кызы" бәйгесенең зона этабы узды.

    (27 май, "Апастово-информ").


    Бәйгедә район данын Апас кызы Камилә Фәйзуллина яклады.
    10 районнан килгән иң-иңнәр арасында сынатмады ул. Җиңү яулап, 28 майда башкалада узачак республика этабына чакыру алды.
    "Камилә дефиле, үзеңне тәкъдим итү, милли киемнәр, иҗат, аш-су һәм башка юнәлешләр буенча да сыналды. Ул барлык биремнәрне дә уңышлы узды", - ди район мәдәният йорты хезмәткәрләре, бәйгегә әзерләүчеләр Гөлия Шиһабиева һәм Айрат Гайнетдинов.
    Бәйгенең максаты - милли мәдәниятне, татар халкының гореф-гадәтләрен һәм телен торгызу, үстерү, яшь буынга рухи мирасны тапшыру. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: