2012 ел иганәчесе

Изгелек кыл, кылган изгелегең үзеңә меңе белән әйләнеп кайтыр, диелгән бер хәдистә. "Зөя" балаларның ял-сәламәтләндерү үзәге җитәкчесе Хәйдәр Хәлим улы Булатовта ярдәмчеллек, мәрхәмәтлелек, олыны-олы, кечене-кече итү, кеше күңелен тирәнтен аңлау кебек уңай сыйфатлар бик күп. Әнә шуңа да ул республикакүләм игълан ителгән "Иганәче - 2012 ел" бәйгесендә катнашып Дипломга лаек булды. ТР Президенты Рөстәм Миңнеханов исеменнән килгән бу олы бүләкне аңа шимбә киңәшмәсендә район башлыгы Рәшид Заһидуллин тантаналы шартларда тапшырды.