Кырдагысы белән түгел, амбардагысы белән мактан

Йомралы бүлекчәсенең ындыр табагында эш ике сменада оештырылган. Лаеклы ялда булган апа-абыйлар, яшьләр бердәм булып чәчүлек әзерлиләр. Бүгенге көндә алар арпа чистарталар. 100 тонна борчак, 60 тонна арыш чәчүлеге салганнар инде. Ранис Каюмов бернинди тоткарлыклар ясамыйча, чистарткыч машиналарны тиешенчә эшләтеп тора. Аның янында Гөлнур Гайфуллина, Дилбәр Саттарова, Венера Мөхәммәтҗанова, Розалия Әхмәдуллиналар тырышып хезмәт итәләр. "Кайткан икмәкне эшкәртеп өлгерәбез, урып-җыюга үзебездән аз булса да өлеш кертәбез", - диләр алар.