Апаста сайлаулар оешкан төстә башланды

Апастово-информ, 8 сентябрь 2019 - 08:45

768

8 сентябрьдә – VI чакырылыш Татарстан Республикасы Дәүләт Советына депутатлар сайлау Апас районында оешкан төстә башланып китте.

Иртәнге сәгать 7дә барлык 57 сайлау участогының да ишекләре ачык иде. Районда барлыгы 15 мең 639 сайлаучы бар, участокларда 293 кеше эшли. Һәр участокта күтәренке рух, бәйрәмчә кәеф каршы ала. Җыр-моң, музыка, тәмле коймак исе иртәдән үк урамнарга таралды. Халык та иртәнге сәгатьләрдә үк үз бурычын үтәргә ашыкты.