Сатмыш авылы халкы яңа клубта сайлады

Авыл уртасында иртәдән үк җыр-моң яңгырады. Табада коймак чыжлады, самавырда чәй кайнады. Һәрбер сайлаучы сыйланып, авылдашлары белән ил-көн хәлләрен сөйләшеп утырды. – Без бүген улым белән сайлауга килдек. Сайлау безнең өчен бик күркәм вакыйга, чөнки үзебезнең тавыш бирүебез белән илебезнең киләчәген әйтә алабыз. Тормышыбыз елдан ел уңайлана, авылыбыз урамнарына таш һәм асфальт юллар салынды, бу эш дәвам итә. Авылыбыз уртасында яңа мәдәният учагы калкып чыкты. Шушындый җылы, матур мәдәният йортында җыелышып бәйрәм итәргә язсын. Быел безнең Сатмыш мәктәбенең тәрәзәләре алыштырылды. Барысы өчен дә район башлыгына, төзүчеләргә рәхмәтле без. Шулай аңлашып, бердәм булып яшәсәк, эшләсәк тормышларыбыз матур булыр дип уйлыйм, - диде Тәүфикъ Гәйнуллин.