Бер җөмлә белән

Каратунда яңа элеватор төзү Программасы нигезендә киләсе елда 10000 тонна игенгә исәпләнгән склад төзелеше башлана.

2012 елда Багышта, 2013 елда Биештә, 2014 елда Азбабада яңа клублар төзеләчәк.

Каратун авыл җирлеге башлыгы Радик Исмәгыйлов белән бергә эшләү өчен башкарма комитет җитәкчесе вазифаларын вакытлыча башкаруга Рәмис Миңнуллин билгеләнде.

Каратун авыл җирлегендә яшәүче эшмәкәрләр соляркага үз акчаларын түләп урамнарга таш җәю эшен башлауны планлаштыралар.

Каратун сөт-май комбинаты "АК барс холдинг" берләшмәсенә күчү эше башланды.

Коштавылында халык җыенында катнашучылар 2012 елның язында барлык чокыр буйларына агачлар утырту инициативасы белән чыктылар.