Мәктәпләр ябылмас... укучылар булса!

Бу максатка 10 млн. сумга якын акча карала. Узган ел Каратун мәктәбен ремонтлауга 2 млн. сумга якын акча сарыф итеп гаять күркәм эш башкарылуын искә алсак - киләсе елда шактый мәктәпнең ыспайлануын өмет итеп була. 19 ноябрьдә район мәктәпләре директорлары, балалар бакчалары мөдирләре белән булган очрашуда район башлыгы мәгариф өлкәсендә көтелгән үзгәрешләр белән таныштырды. Яхшылап уйламыйча, нигезләмичә, халык белән киңәшмичә бер генә мәктәпнең дә ябылмаячагы турында әйтте. Ә инде бер укучыны өч укытучы укытса - моның көлке икәнлеге һәркемгә яхшы аңлашыла.