КЫСКАЧА

Апаста туган тел бәйрәме

26 апрель - татар халкының бөек улы Габдулла Тукайның 126 еллыгы. Шул уңайдан район үзәгендә - Ана һәйкәле янында 10.00 сәгатьтә Туган тел һәм шигърият бәйрәме уза. Биредә шагыйрьнең тормыш юлы, шигырьләре, җырлары белән беррәттән, җирле каләм ияләренең дә иҗатлары чагылыш табачак.

Җыр кешене юата

Татарстан Республикасы Мәдәният министрлыгы тарафыннан оештырылган "Рус халык җырлары. Яшь тавышлар" конкурсының Казанда узган республика турында район мәдәният йорты методисты Гөлнара Галиәкбәрова, район сәнгать мәктәбе укучысы Аделина Закирова уңышлы чыгыш ясадылар. Алар бәйгенең икенче турын узып, гала-концертта катнаштылар һәм Дипломнарга, истәлекле бүләкләргә лаек булдылар.