Белеп кенә карагыз һәм укыгыз!

2012 елның 1 сентябрендә гамәлгә кергән «Балаларны, аларның сәламәтлекләренә һәм аң үсешләренә зыян сала торган мәгълүматлардан саклау турында"гы Федераль Законга нигезләнеп, газетада басылып чыккан, зәңгәр экраннарда дөнья күргән һәм телевизион каналларда күрсәтеләчәк программаны тәкъдим иткәндә тамашачыларның, укучыларның яшен чикләү турында тамгалар куела. Балаларның сәламәтлегенә һәм тормышларына куркыныч тудыручы, үз-үзләренә кул салуга китерүче, наркотик матдәләр татуга, составында алкоголь булган эчемлекләр эчүгә этәрүче, тәмәке тарту теләге уятучы, азартлы уеннарда катнашырга омтылдыручы, гаилә кыйммәтләрен санга сукмаска өйрәтүче һәм башка тискәре мәгълүматлар таратучы язмаларга җирле вакыт белән 4.00-23.00 сәгатьләрдә + тамгасы белән чикләү куела. Шулай ук аерым, тискәре мөнәсәбәтләр чагылдырган мәгълүмат таратучы язмаларны җирле вакыт белән 7.00-21.00 сәгатьләрдә билгеле бер яшьтәге кешеләргә карау һәм уку тыела.