Онытылып калмаганмы?

Апастагы Батырлар Мемориаль комплексы стелласында бүген Бөек Ватан сугышы кырларында һәлак булган һәм Җиңү белән туган якларына исән-имин әйләнеп кайткан 10 меңнән артык апаслының исеме ташка уелып язылган. Район хәрби комиссариаты, авыл җирлекләре, мәктәпләрнең эзтабар укучылары бу көннәрдә аны тулыландыру, яңа мәгълүматлар туплау белән мәшгуль. Сездә дә шундый өстәмәләр һәм яңалыклар булса, район хәрби комиссариатына мөрәҗәгать итегез. Данлы үткәнебезне, беркемне һәм бернәрсәне дә онытырга хакыбыз юк!