ЯШЬЛЕК ЯЛКЫНЫҢ СҮРЕЛМӘСЕН

Апас кызы Ләйсән Төх­вәтуллина кечкенәдән үк сәнгатьне үз итте, сәхнә­дән төшмәде дә диярлек. Мәктәпне тәмамлагач ул Казандагы Россия Дәүләт Гуманитар университетының Мәскәү филиалына юрист белгечлеге алырга укырга керә. Укуда да, сәхнәдә дә сынатмый. Җырга-моңга һәвәс Ләй­сән 2002 елда Казанда узган Бөтенроссия фитнес-марафонда җиңеп чыга, 2003-2006 елларда ТРның атказанган артисткасы З. Зәйнуллина җитәкчелегендәге "Ялкын" ансамбленең солисткасы була. 2006-2009 елларда ул укуын Мәскәү шәһә­рендә дәвам итә һәм биредә дә РФның һәм ТРның атказанган артисткасы Н. Фатихованың "Мәдинә-Мөнәҗәт" ан­самб­лендә җырлый. Әнә шундый танылган җырчылар янында үзенең осталыгын арттыра. Җырдан тыш әле ул бию серләренә дә өйрәнә. Бүген Ләйсән район үзәгендәге "Сәләт" балалар иҗа­ты үзәгендә балаларга өстәмә музыкаль белем бирү укытучысы булып эшли. "ДоМиСоль" дип исемләнгән җыр түгә­рәген һәм бию түгә­рәген алып бара. Аның кул астында шө­гыльләнүче балалар сәх­нәдә үзлә­рен иркен тоталар, бөтен шартын китереп чыгыш ясыйлар. Хезмәтенең нә­тиҗә­сенә иң сөенгәне - укытучы апалары.