Район башлыгы тарафыннан игълан ителгән “Изгелек кыл“ акциясе дәвам итә

(3 декабрь, “Апастово-информ“).

Луиза Сафина Фирдәүсә апаның хәлен белеште, гозерләрен сорашты.
“Изгелек кыл“ акциясе кысаларында без - төрле юнәлештә эшләүче район башлыгы урынбасарлары мөмкинлекләре чикләнгән райондашларыбызның ихтыяҗларын өйрәнәбез, мохтаҗлыкларын ачыклыйбыз. Аларның гозерләрен исәпкә алып, кирәк булган әйберләрен өйләренә барып тапшырабыз“, - ди Луиза Сафина.
Фирдәүсә апа озак еллар почтада эшләгән булган. Бүгенге көндә сәламәтлеге чикле булса да, аның кәефе төшенке түгел, күңеле күтәренке.
“Аллага шөкер, барысы да ярдәм итә. Бер җирем дә авыртмый, сызлануларым да юк“, - ди ул.