1 октябрьдән пенсияләр арта

  Русиядә пенсияләрне индексацияләячәкләр. Югары пенсияләр инде октябрьдә үк түләнәчәк. Әмма индексация барысын да көтми.
   
  lenta.ru басмасы хәбәр иткәнчә, Дәүләт думасының Хезмәт, социаль сәясәт һәм ветераннар эшләре комитеты әгъзасы Светлана Бессараб әйтүенчә, индексация хәрби пенсионерларга кагылачак.

  Индексация агымдагы елның 1 октябрендә башкарылачак һәм пенсияләр 5,1 процентка артачак. Уртача арту 600-650 сум булачак. Нәтиҗәдә, уртача пенсия 42 мең сум тәшкил итәчәк.

  _{Чыганак:https://kiziltan.ru/articles/budni/2024-09-22/1-oktyabrd-n-pensiyal-r-arta-3940462}