Апас яшьләре йөзү буенча нормативлар тапшырды

Лейля Шигабеева, 20 гыйнвар 2025 - 09:42

111

“Хезмәт һәм оборонага әзер” Бөтенроссия физкультура-спорт комплексы ил халкын физик тәрбияләүнең массакүләм спортны популярлаштыру, милләтне сәламәтләндерүгә юнәлдерелгән.

Апас яшьләре йөзү буенча нормативлар тапшырды

(20 гыйнвар, “Апастово-информ”).

Сынаулар мәҗбүри һәм сайлап алу төрләренә бүленә. Сынаулар көчне, тизлекне, сыгылмалылыкны һәм чыдамлыкны тикшерүгә юнәлдерелгән.

ГТО нормативлары 2014 нче елдан бирле алына. ГТО комплексын гамәлгә ашыру кысаларында яшьләре буенча 11 төркемдә сынауларның төрле төрләре буенча нормативлар үтәү каралган. Нормативлар ир-атлар һәм хатын-кызлар өчен аерым билгеләнә.
1 нче төркем: 6-8 яшьлекләр;
2 нче төркем: 9-10 яшьлекләр;
3 нче төркем: 11-12 яшьлекләр;
4 нче төркем: 13-15 яшьлекләр;
5 нче төркем: 16-17 яшьлекләр;
6 нчы төркем: 18-29 яшьлекләр;
7 нче төркем: 30-39 яшьлекләр;
8 нче төркем: 40-49 яшьлекләр;
9 нчы төркем: 50-59 яшьлекләр;
10 нчы төркем: 60-69 яшьлекләр;
11 нче төркем: 70 һәм аннан да олырак яшьтәгеләр;
Тест үткәрүгә табиб рөхсәте һәм АИС ГТО идентификация номеры булган кешеләр кертелә. Уникаль ID-номер алу өчен https://www.gto.ru/ сайтында теркәлергә кирәк. Һәр яшь төркемендә спортның мәҗбүри төрләре һәм үз нормативлары бар. Аларны үтәп кенә ГТО билгесе алып була.
Апасның “Дельфин” бассейнында да яшьләр ГТО буенча нормативлар тапшырды. Алар сынауларны уңышлы узды.