Апаста 18 кеше битлек кияргә теләмәгән

(11 ноябрь, “Апастово-информ“).

“Безнең максат беркетмә төзү түгел, райондашларны чирдән саклау, сәламәтлекнең кадерен белергә өйрәтү. Рейдларга еш чыгабыз. Сирәк булса да, битлек киясе килмәгән кешеләр очрый“, – ди җәмәгать тәртибен саклау буенча район эчке эшләр бүлеге җитәкчесе урынбасары Айрат Нигъмәтҗанов.

Март аеннан башлап, бүгенге көнгә кадәр таләп-кагыйдәләргә җавапсыз караган 603 кешегә административ беркетмә төзелгән. Соңгы атнада сәламәтлеккә салкын караучы 18 кеше очраган. Арада битлек режимын үтәмәүчеләр генә түгел, социаль дистанция сакламаучылар да бар. Бу хакта Район эчке эшләр бүлегеннән белдерделәр.