Апастово-информ
  • Рус Тат
  • Бөек Ватан сугышы ветераны Зәйни Низамов Ил башлыгы котлавын алды

    Олы Бакырчы авылында яшәүче Бөек Ватан сугышы ветераны Зәйни Низамов 95 яшьлек олы гомер бәйрәмен каршылады. Ветеранга әлеге уңайдан Ил башлыгының Котлау хаты, район башлыгының Котлау открыткасы, бүләк һәм чәчәк бәйләме тапшырылды.

    (17 февраль, Ләйлә Шиһабиева, “Апастово-информ“).



    Район башкарма комитеты җитәкчесе урынбасары Луиза Сафина, Олы Бакырчы авыл җирлеге башлыгы Фәрит Вәлиев Зәйни бабай Низамовка изге теләкләрен җиткерде, олы хөрмәт күрсәтте.


    “95 яшь җиткән диләр. Чыннан да шулаймы ул? Сизелмәде дә, тоелмады да. Тормышыбыз бик рәхәт. Утын да турамыйбыз, су да ташымыйбыз, пенсияләребез килеп тора. Әрләшмичә, талашмыйча, бер-беребезне хөрмәт итеп, тыныч тормышның кадерен белеп яшик“, – ди ветеран.

    Зәйни бабай әле үзен-үзе йөртә. Иртән торып ишегалларын да себереп керә икән. Бүген ул улы Хәмзә һәм килене Миләүшә тәрбиясендә хасияттә яши.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: