Апастово-информ
  • Рус Тат
  • Кызылтау авылында яшәүче күпбалалы гаиләгә авто-кресло бүләк ителде

    “Игътибар, балалар!“ республикакүләм акциясе кысаларында Кызылтау авылында яшәүче Ногмановлар гаиләсенә авто-кресло тапшырылды.

    (26 май, “Апастово-информ“).



    “Акциянең максаты – ата-аналарга балаларының машинада барганда бары тик авто-креслода гына хәрәкәт итәргә тиешлеген тагын бер кат искәртү. Авто-креслолар барлык таләпләргә туры килергә тиеш. Юл хәрәкәте кагыйдәләре буенча 12 яшькә кадәрге балаларны җиңел машинаның алгы утыргычында, 7 яшькә кадәрге балаларны арткы утыргычта махсус җайланмалар белән йөртү таләп ителә. Шулай ук алар баланың авырлыгына һәм буена туры килергә тиеш“, - дип искәртте юл хәрәкәте куркынычсызлыгын профилактикалау буенча Буа бүлеге җитәкчесе Сиринә Мурзакова.
    Фидаиль һәм Гөлнур Ногмановлар гаиләсендә биш бала тәрбияләнә. Олысына 14 яшь булса, иң кечкенәләре - игезәкләргә бары тик бер яшь кенә.
    “Авто-кресло җайланмасы балалар иминлеге өчен бик кирәкле дип саныйм. Юл иминлеген тәэмин итүче инспекторларның балаларыбызны шулай кайгыртуына рәхмәт белдерәм. Игелекле эш башкаралар“, - ди әти кеше Фидаиль Ногманов.
    Гаиләдәге балаларга шулай ук тиешле яктылыкны кире кайтаручы йомшак уенчык, рюкзак, һәм куркынычсызлык кагыйдәләрен үз эченә алган белешмәлекләр бүләк ителде

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: