Апастово-информ
  • Рус Тат
  • Районда мөмкинлеге чикле һәркем игътибар үзәгендә

    Районда инвалидлар ункөнлеге бара. Әлеге ункөнлек кысаларда, үз аякларында йөри алмыйча, коляскада утырырга мәҗбүр булган райондашларга хөрмәт күрсәтелә. Аларга иганәчеләр тарафыннан махсус тернәкләнү әсбаплары бүләк ителә.

    Район башкарма комитеты җитәкчесе урынбасары Луиза Сафина Апаста яшәүче Илнур Азизов янында булып, кул таягы тапшырды. Бүләкне бик шатланып кабул итеп алган егет район җитәкчелегенә олы рәхмәтен юллады.
    Апаста яшәүче Илнур Азизов күпләргә таныш. Тумыштан ук үз аякларында хәрәкәтләнә алмаучы егет тормыштан ямь табып, аның үзәгендә кайнап яши. Гел хәрәкәттә ул. Матур итеп җырлый, шигырьләр яза, шашка-шахмат, кул көрәштерү ярышларында катнашып, беренчелекне яулый. Машинасына утырып, теләгән җиренә барып кайта. Тормыш иптәше Фәнзия дә аның өчен олы терәк. Фәнзия дә тумыштан ук авыр сынауларга дучар булган. Ул да авыр хәрәкәтләнә. Тик шулай да язмыш авырлыкларына бирешми. Фәнзия – югары белемле психолог. Район социаль яклау бүлегендә хезмәт итә. Үзенең кул эшләре, аш-суга осталыгы белән һәркемне сокландыра.

    Нравится
    Поделиться:
    Реклама
    Комментарии (0)
    Осталось символов: