Су басудан сакланыйк!

(5 февраль, “Апастово-информ”).

Әгәр дә кар тиз эри башласа, объектларга су керү ихтималы көчәя.
Моны истә тотып, су басудан саклану максатыннан, Апас муниципаль районы буенча эшлекле чаралар күрелә. Бу уңайдан районда хуҗалыкларны һәм территорияләрне су басудан саклау буенча гадәттән тыш хәлләр комиссиясе утырышы булды.
Су үткәрү трубаларын чистарту, күперләр тирәләрен тәртипкә китерү буенча да эш алып барыла. Буаларда су җибәрү җиһазларын әзерлеккә китерделәр.
Күрелгән чаралар су ташу чорында тиешле контроль булдыру һәм оператив чаралар күрү өчен нигез булып тора.