Татарстанда ботулизм белән авыручылар саны 14 кешегә кадәр артты

«Республика клиник йогышлы авырулар хастаханәсендә ботулизм белән авыручы 14 кеше дәвалана, шулар арасыннан 8 авыру реанимациядә, 2 хатын-кыз үпкәләрне ясалма вентиляцияләүгә тоташтырылган», - дип билгеләп үтте агентлык чыганагы.

Искәртик, кичә Казанда Мәскәүнең «Локалкитчен» ҖЧҖ компаниясе җитештергән «Лобио» салатын ашаганнан соң 6 кешенең ботулизм йоктыру очрагы теркәлде. Роспотребнадзорның Татарстан Республикасы буенча идарәсе зыян күрүчеләр продуктка заказ биргән ритейлерны тикшерә һәм лаборатория тикшеренүе өчен үрнәкләр ала.

Санитар-эпидемиологик тикшерү тәмамланганчы, әлеге продукциянең әйләнеше туктатылды. Искәртик, башкалада агулану симптомнары ачыкланганнан соң, 121 кеше ярдәм сорап мөрәҗәгать иткән.

_{Чыганак:https://tatar-inform.tatar/news/tatarstanda-botulizm-belan-avyrucylar-sany-14-kesega-kadar-artty-5889283}

Фото:https://ru.freepik.com/free-photo/troe-fel-dserov-vytaskivaut-nosilki-iz-masiny-skoroi-pomosi_28092717.htm#fromView=search&page=2&position=52&uuid=7964b1ec-8ef5-487d-abbf-d5d3ae867454