Апастово-информ
  • Рус Тат
  • Янгын куркынычсызлыгы бүлеге хезмәткәрләре рейдларга чыкты

    Табигатьтә коры һава хакимлек итә. Бу вакытта һәркем тирә-юнен җыештырып, тәртипкә китереп калырга ашыга.

    (28 сентябрь, “Апастово-информ“).


    Янгын куркынычсызлыгы бүлеге хезмәткәрләре сүзләренчә, соңгы көннәрдә тирә-юнендә чүп-чар, җыелган каты-кураларны, бәрәңге сабакларын яндыручылар ешайган. Алар үзләренә генә түгел, тирә-юньдәгеләргә дә куркынычсызлык тудыра.

    “Ачык урында учак тергезү өчен ким дигәндә 0,3 метр тирәнлектә һәм 1 метр диаметрлы баз казырга кирәк. Яисә 1 кубометрдан зуррак булмаган күләмле металл савыт файдаланырга була. Учак ылыслы урманнан – 100 метр, яфраклы урманнан – 30 метр, каралты-куралардан 50 метр ераклыкта булсын. Учак тирәсен 10 метр радиуста кипкән үләнннән, чыбыклардан һәм бүтән янучан материаллардан чистартырга кирәк. Чүп-чарны яндыручы янәшәдә зур мичкә белән су, ут сүндерү җайланмасы булуын кайгыртырга, ул-бу булса шылтырату өчен мобиль телефоны булырга тиеш. Чүп-чарны яндырып бетергәч учак сүндереп, урынына су яисә ком, туфрак сибү зарур. Торфлы урыннарда, янгынга каршы махсус режим чорында, көчле җил булганда, ылыслы агачлар ябалдашлары астында чүп-чар яндыру тыела“, – ди янгын куркынычсызлыгы бүлеге җитәкчесе Илдар Вәлиев.

    Янгын куркынычсызлыгы бүлеге хезмәткәрләре рейдларга чыкты. Алар кисәтүләр ясады һәм беркетмә төзү очраклары да булды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: