Шәп бас, шома бас!

Узган шимбәдә район мәдәният йортында "Шома бас!" республика смотр-конкурсының зона бәйгесе узды. Биредә Апас, Кама Тамагы, Чүпрәле, Буа районнарының бию коллективлары катнаштылар. Сәхнәне гөр китерде биючеләр. ТР мәдәният министрлыгыннан килгән вәкилләр һәр чыгышны җентекләп карап үз бәяләрен куйдылар, республикакүләм бәйгегә сайладылар. Безнең районнан "Степ-ап" коллективы (рәсемдә) (җит. Раилә Зәйнуллина), "Мизгел" (җит. Ләйсән Төхвәтуллина), "Хыял" (җит. Раилә Шәвәлиева, Балтай) һәм аерым биюдә Каратуннан Регина Хисмәтуллина чыгышлары жюри тарафыннан югары бәяләнде.