Кәрим Тинчуринга мәдхия

Татарстанда 2014 ел - Мәдәният елы булып истә калачак. Районда бу нисбәттән ел башыннан 20дән артык төрле зур мәдәни чара, әдәби кичә, иҗади очрашулар үткәрелде. Татарстан мәгариф министрлыгы Мәдәният елы программасы кысаларында, мәктәпләрдә татарның затлы, олпат сәхнә остасы, драматург Кәрим Тинчуринның тууына 127 ел уңаеннан рәсемнәр бәйгесе игълан итте. Үзешчән мәктәп театрлары арасында 1 сентябрьдән башлап Кәрим Тинчурин әсәрләре буенча сайлап алу конкурслары узды. Апас мәдәният йорты сәхнәсендә 30 октябрьдә район турында унга якын үзешчән мәктәп театрлары артистлары бәйге-конкурсы үтте. Финалга чыгучыларны Казанның Кәрим Тинчурин исемендәге театрның зур сәхнәсе, гала-концерт көтә.