Әнәледә бәйрәм көннәрендә клуб гөр килде

Әниләр көне уңаеннан Әнәле авылы клубында авыл үзешчәннәре Фәнис Яруллинның "Кызларның кызганнары" дигән ике пәрдәлек комедиясен күрсәттеләр. Рәмзия Мөсәгыйтова, Альмира Салахова, Зөлфия Гыймадиева, Альберт Гыйсмәтуллин, Радик Абдуллин чын артистларча уйнап, халыкны таң калдырдылар. Әнәле авылы клубында Альмира Салахова эшли башлагач төрле кызыклы чаралар еш уза. Ул бит клуб эшенә бөтен гомерләрен багышлаган мактаулы Фәттах абый белән Миңнегөл апаның яраткан кызлары. Альмира халыкны клубка тарта белә, Апастан да яшьләр күп килә бирегә.