ҖЫРЛАП АЧЫЛА КҮҢЕЛ

Көн дәвамында эстрада мәйданында сәнгать осталары концерты гөрләде. Быел авыл мәдәният йортлары аеруча зур хәзерлек белән килгәннәр иде. Шулай да алдынгы урыннар, бүләкләр иң-иңнәргә бирелде: I урын - Күккүз мәдәният йорты, II урын - Каратун, Әлмәндәр мәдәният йортлары, III урын - Сатмыш, Кызыл Тау, Коштавылы мәдәният йортлары. Концерт мәйданыннан ерак түгел генә яше-карты туйганчы, күңелләре булганчы биеде, күңел ачты. Иң матур, иң җитез, иң озак биючеләргә Сабан туе бүләкләре тапшырылды. Шулай ук лотерея билетлары да уйнатылды.