Апас районы егетләре солдатка китте

Апастово-информ, 21 июнь 2018 - 10:39

1560

Районда хәрби чакырылыш дәвам итә. 21 июнь көнне районыбызның 4 егете армия сафларына юл алды.

Кызыл Тау авылыннан классташ егетләр, аерылмас дуслар Динар Җәләлиев, Элфис Шиһапов, Ранис Шәрәфуллин озату кичәләре уздырып, бер үк көнне хәрби хезмәткә китте. Район хәрби комиссариатында аларга Биеш егете Бәхтыяр Кәлимуллин да кушылды. Якыннары, дуслары, авылдашлары егетләргә иң изге теләкләрен юллап, киңәшләрен әйтеп озатып калды.
Хәерле юл сезгә, Апас егетләре! Исән-сау хезмәт итеп кайтыгыз!