Апас волейболчы кызлары республика финалына бара

Апас  мәктәбе физкультура укытучысы Рәмис Гыйззәтов чираттагы шатлыгы белән уртаклашты:

-Татарстан күләмендә укучы кызлар волейбол командалары арасында зона ярышларында җиңеп,  республика финалына үттек,-ди ул. –Безнең команда бүген Татарстандагы иң көчле “алтылык”та. Тиздән Түбән Кама шәһәрендә үтәчәк зур турнирга әзерләнәбез. Финал ярышларына үтүебез билгеле булгач, үзем дә, волейболчы кызлар да, әти-әниләре дә бик шатландык. Җиңәргә барабыз!