Балигъ булмаганнар эше буенча комиссия яңа елда эшен башлап җибәрде

(26 гыйнвар, “Апастово-информ”).

Балигъ булмаганнар эше һәм аларның хокукларын яклау буенча район комиссиясенең 2022нче елда беренче утырышы узды. Утырышны район мәгариф бүлеге мөдире Гөлүсә Галләмиева алып барды. Биредә шулай ук район прокуроры Зөфәр Абитов та катнашты. Комиссия утырышында җиде гаиләгә карата административ эшләр каралды. Әлеге эшләр арасында опекага, приемга алган гаиләләр дә бар иде.
“Гаиләләргә рейдлар белән чыгу эшен дәвам итәбез. Комиссия вәкилләре исәптә торган балаларны һәм аларның ата-аналарын даими контрольдә тотачак”, - диде комиссия җитәкчесе урынбасары Гөлүсә Галләмиева.