Иркутскида укучы чүкеч һәм пычак белән сыйныфташларына һөҗүм иткән, зыян күрүчеләр бар

  Агентлык мәгълүматлары буенча, вакыйга Балаганскида мәктәптә тәнәфес вакытында булган. Укучылар физкультура дәресенә әзерләнгән. Чишенү бүлмәсендә укучыларның берсе пычак һәм чүкеч белән сыйныфташларына ташлана. Хәзерге вакытта өч зыян күрүче турында билгеле.

  Имин интернет лигасы директоры, Россия Иҗтимагый палатасы әгъзасы Екатерина Мизулина телеграм-каналында хәбәр иткәнчә, якынча мәгълүматлар буенча, яшүсмер һөҗүм итү турында инструкцияне социаль челтәрдә билгесез кешедән алган. Тоткарлау вакытында ул янәсе ниндидер дан теләве, шуңа күрә җинаятькә батырчылык итүе турында белдергән.

  _{Чыганак:https://tatar-inform.tatar/news/irkutskida-ukucy-cukec-ham-pycak-belan-syinyftaslaryna-houm-itkan-zyyan-kurucelar-bar-5893700}

  _{Фото:https://ru.freepik.com/free-photo/construction-hammer-indoors-still-life_49479170.htm#fromView=search&page=1&position=35&uuid=ff811919-5ca6-4d3e-b693-07e5fb29dc7a}