«Ишетсәгез – сөйләшмәгез». Мошенниклар шалтыратканда әйтә торган биш «стоп-сүз»

  Телефон яки мессенджерлар аша шалтырату иң актуаль алдау ысулы булып тора. Мошенниклар хокук саклау органнары яки Россия Банкы исеменнән сөйләшә, ди Кузнецов.

  Белгеч мошенниклар куллана торган 5 төп сүзне атый. Бу: «ФСБ», «МВД», «Центральный банк», «безопасный счет», «сообщите код из СМС / данные карты / паспорта / СНИЛС».

  «Әгәр шушы сүзләрне таныш булмаган кеше белән сөйләшкәндә ишетсәгез, сөйләшүне туктатыгыз – сезнең белән җинаятьче сөйләшә», – ди Кузнецов.

  Аның сүзләренчә, дәүләт хезмәтләре порталында шәхси кабинетка керү мөмкинлеге алу өчен схемалар популяр. Мошенниклар элемтә операторы, социаль фонд вәкиле булып та шалтыратырга мөмкин.

  «Сценарий нинди булуга карамастан, җинаятьченең максаты – ватып кергән аккаунттан займнар рәсмиләштерү. Моның белән көрәшү кыен түгел – микрофинас оешмалары сайтларында авторизацияләү мөмкинлеген сүндерергә кирәк, кредитны башка юл белән дә алып була бит», – ди белгеч.

  _{Чыганак:https://intertat.tatar/news/isetsagez-soilasmagez-mosenniklar-saltyratkanda-aita-torgan-bis-stop-suz-5867892}

  _{Фото:https://ru.freepik.com/free-photo/side-view-male-hacker-talking-smartphone-with-copy-space_8725475.htm#fromView=search&page=1&position=5&uuid=02d36e5c-eaa9-4c6a-86f4-e0d1d0c41ad1}