Иске Йомралыда сарай янган

(2 март, “Апастово-информ“).

Җаваплы хезмәткәрләр барып җиткәндә, ялкын телләре агач сарайның бөтен җиренә җәелергә өлгергән була инде. Ут вакытында йөгәнләнә, башка корылмаларга зыян килми.

Янгыннның сәбәбе – электр чыбыкларының төзексезлеге дип фаразлана.

“Елга бер тапкыр розеткаларны, сүндергечләрне тикшереп чыгу мөһим. Янгыннар электр үткәргечнең кыска ялганышы аркасында еш чыга. Иске электр үткәргечләрне үз вакытында алмаштырырга кирәк”, – ди янгын куркынычсызлыгы бүлеге җитәкчесе Илдар Вәлиев.