Каратун ашлык кабул итү пунктында ифтар мәҗлесе узды

(21 март, “Апастово-информ”).

Районыбызда ифтар ашлары дәвам итә. Шундый дини мәҗлесләрнең берсе Заготзерно бистәсендә узды. Биредә ашлык кабул итү пунктында эшләп, лаеклы ялга чыккан өлкәннәр кунак булды.
Рамил Хәбибуллин ел саен дини мәҗлесләр оештырып, өлкәннәрне чакырып кунак итә. Биредә эшләп ялга чыккан абый-апалар җитәкченең ярдәмен һәрчак тоеп яшиләр.
“Безне күркәм мәҗлесләргә чакырып хөрмәтләгән җитәкчеләргә, хезмәттәшләргә олы рәхмәт. Рамил Җәүдәтович безне бер бәйрәмдә дә игътибарсыз калдырмый, бүләкләре белән дә сөендерә. Бүген дә мәҗлескә бик теләп килдек”, - диләр өлкәннәр.