Каратунда Корбан ашы узды

Биредә алар өчен җирле эшмәкәрләр, “Свияга“ хуҗалыгы, оешмалар тарафыннан мул сыйлы табын әзерләнде. 120 дән артык ак яулыклы апалар, түбәтәйле абыйлар бер-берсе белән күрешеп, аралашты, тәмле Корбан итеннән авыз итеп, изге теләкләрен юллап, олы рәхмәтләрен ирештерде. Каратун мәктәбе коллективы һәркемне ачык йөз белән каршы алып, кайнар аш, тәмле ризыклары белән сыйлады. 
Биредә район башкарма комитеты җитәкчесе урынбасары Луиза Сафина, район мөхтәсибе Мирхәт хәзрәт Җамалиев һәм “Цеолиты Поволжья“ компаниясенең коммерция директоры Фәнил Баһаветдинов катнашты. Алар өлкәннәребезгә изге теләкләрен юллап, хәерле һәм имин тормыш теләделәр.