Машина тәрәзәсенә каткан бозны тиз генә ничек чистартырга?

Машинада электр җылыткыч яки кабызыр алдыннан эшли торган җылыткыч булмаса, алгы тәрәзәне чистарту өчен мичне кабызырга була – тик бу тиз эретми, шулай ук махсус кыргыч алып кырып та була.

Ләкин тагын да җайлырак ысуллар бар.

«Кышкы лайфхак» – алгы тәрәзәнең кирәкле урыннарына җылы су сибәргә кирәк. Моның өчен 500 мл күләмле термокружка алыгыз.

Тагын бер ысул – тозлы су кирәк. 1,5 литр гади суга 10 кашык аш тозы салып болгатыгыз. Бу эремә бозны тиз эретер. Аны сиптергечкә салып, пыялага сибегез.

Өченче вариант – 1х2 чагыштырмасында спиртлы эремә яки 1х3 чагыштырмасында аш серкәсе эремәсе ясагыз. Моны да тозлы су кебек кулланып була. Өстәвенә, спиртлы яки серкәле су салкында катмый да.

_{Чыганак:https://intertat.tatar/news/masina-tarazasena-katkan-bozny-tiz-gena-nicek-cistartyrga-5869485}

_{Фото:https://ru.freepik.com/free-photo/frozen-car-crystal_993194.htm#fromView=search&page=1&position=0&uuid=8035b319-8828-49ca-94f6-f98554a52d19}