Планлы медицина ярдәме күрсәтү вакытлыча туктатылды

(7 февраль, “Апастово-информ”).

Халыкка планлы амбулатор медицина ярдәме күрсәтү, диспансеризация һәм профилактик тикшеренүләр үткәрү туктатылды. Шулай ук балаларга планлы медицина тикшерүе уздыру һәм күчмә медицина комплекслары эше дә кичектереләчәк.
Онкология, шикәр диабеты, кан әйләнеше авырулары булган авыруларга ярдәм күрсәтү дәвам итәчәк. Шулай ук йөкле хатыннарга да планлы медицина ярдәме туктатылмый. Зыянлы һәм куркыныч матдәләр белән эш йөртүче хезмәткәрләргә алдан мәҗбүри медицина тикшерүе узуы дәвам итә, вакцинация ясату да өзелми. Планлы медицина ярдәме күрсәтү хәрби хезмәткә чакырылучы егетләргә дә элеккеге тәртиптә дәвам итәчәк.