Студентлар кырда да сынатмый

Идрәз бүлекчәсе механизаторы Равил Халиков, басуга чәчүлек китерүче алдынгы шофер,  Татарстанкүләм “Уңыш бәйрәме“ дипломанты Илгизәр Кашафетдинов,  аграр көллият аудиторияләрендә алган белемнәрен бу язда гамәли эшләре, һөнәри күнекмәләр үтеп ныгытучы студентлар Ранис Сафиуллин белән Федор Калмыков, тәҗрибәле идарәче Рәис Салихов өчен көннең төнгә ялганган, бик кадерле чагы бүген. Аларның чәчү агрегаты быел кырга районда иң беренчеләрдән булып чыкты.