Язгы каникул көннәрендә бала хәвефсезлеге беренче урынга куела

(21 март, “Апастово-информ“).

Каникул көннәрендә мәгариф һәм мәдәният хезмәткәрләре, ата-аналар, өлкәннәр бер булып эшләргә тиеш. Барлык балалар да сау-сәламәт, исән-имин мәктәпкә барырлык булсын. Чираттагы дүшәмбе киңәшмәсендә әнә шундый җитди бурыч куелды.
–Сулыклар янына барудан, кар тирән җирләргә керүдән, ут-күздән, һәлакәтләрдән балаларны сакласак иде. Тәүлек буе уялык сорала. Балаларның буш вакытларын файдалы уздыру өчен шартлар бар“, – диде район башкарма комитеты җитәкчесе урынбасары Луиза Сафина.
ЮХИДИ хезмәткәрләре исә “Куркынычсыз юллар“ акциясе кысаларында рейдларга чыга. Юлларда, транспорт һәлакәтләрендә балалар имгәнүен булдырмау өчен кисәтү эшләре алып баралар.