Апастово-информ
  • Рус Тат
  • Нинди юлдан китәргә, нинди һөнәр сайларга?!

    Һәрбер чыгарылыш класс укучысы Бердәм Дәүләт имтиханнарын уңышлы тапшырып, теләгән белгечлеге буенча укуын дәвам итү максаты белән яна. Тик аларның алларына һөнәр сайлаганда ничек ялгышмаска, нинди юлдан китәргә, кайсы уку йортына бару уңышлырак, имтиханнарга ничек хәзерләнү отышлырак дигән сораулар килеп баса. Яшьләргә ярдәм итү, дөрес юл күрсәтү максатыннан районда күп...

    Һәрбер чыгарылыш класс укучысы Бердәм Дәүләт имтиханнарын уңышлы тапшырып, теләгән белгечлеге буенча укуын дәвам итү максаты белән яна. Тик аларның алларына һөнәр сайлаганда ничек ялгышмаска, нинди юлдан китәргә, кайсы уку йортына бару уңышлырак, имтиханнарга ничек хәзерләнү отышлырак дигән сораулар килеп баса. Яшьләргә ярдәм итү, дөрес юл күрсәтү максатыннан районда күп кенә чаралар оештырыла. Мисал өчен, район мәгариф бүлеге белән төзегән килешү нигезендә, Казан Дәүләт Федераль университеты, белем алуның сыйфатын яхшырту үзәге укытучылары, белгечләре Апаска килеп даими рәвештә Бердәм Дәүләт имтиханнарына әзерлиләр. Математика, рус теле, физика, җәмгыять белеме буенча консультацияләр, дәресләр, семинарлар үтте инде. Аларда катнашкан укучылар, укытучылар, директор урынбасарлары агымдагы елда бердәм Дәүләт имтиханын тапшыру тәртипләре, яңалыклар белән таныштылар, белем алдылар. Район мәгариф бүлеге җитәкчесе Алсу Хәйруллина белдерүенчә, бу укулар барысы да түләүсез һәм киләчәктә башка фәннәрдән дә дәвам итәчәк. Мәҗбүри саналган һәм укучылар үз теләкләре белән сайлаган фәннәр буенча якшәмбе көннәрендә шөгыльләнә алалар.

    Бу укулар белән беррәттән югары сыйныф укучылары өчен "Ачык ишекләр" көннәре дә уза. Әле күптән түгел генә Апас аграр көллиятендә язмышын авыл хуҗалыгы тармагы белән бәйләргә теләүчеләр өчен очрашу булган иде. 2 февраль көнне егетләр, кызлар "Ак халатлы фәрештәләр" фестивале кысаларында район үзәк хастаханәсендә табиблар белән очраштылар, эш алымнары, һөнәр үзенчәлекләре белән таныштылар. Талия Сафиуллина җитәкчелегендә хастаханәнең барлык бүлекләрендә булып, табиблар белән җанлы әңгәмә тыңлаганнан соң, чыгарылыш класс укучылары һәм аларның әти-әниләре актлар залына җыелды. Кеше сәламәтлеген кайгыртуны киләчәктә максат итеп алган егет-кызлар баш табиб Фатыйх Хәйдәровның, УЗИ буенча табиб Ирек Бикчуринның, яңа гына медицина университетын тәмамлаган Алия Гашыйгуллинаның чыгышларын тыңладылар. Очрашуда район башкарма комитеты җитәкчесе урынбасары Ранис Әхмәтшин катнашты һәм укучыларның, әти-әниләрнең сорауларына җаваплар бирде.

    Рәсемдә: укучыларның хирургия бүлеге мөдире Рөстәм Гайнуллин белән очрашу вакыты.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: