Яман чирдән ерак тор

Прокуратура вакытында дәваланырга килмәүче затларга чаралар күрергә хокуклымы?

Сорауга район прокуроры урынбасары Ф. Хафизов җавап бирә:

Прокуратура "Россия Федерациясендә туберкулез авыруын җәелдерүгә юл куймау һәм кисәтү турында"гы Федераль Законның бозылу очракларын ачыклый. Апас районы прокуратурасы тарафыннан район үзәк хастаханәсенең туберкулез, санитар-эпидемиологик режимны бозучы, тикшерелүдән һәм туберкулез авыруын инкарь итүче затлар турындагы информациясе буенча тикшерү үткәрелде. Апас районы территориясендә туберкулез чиренең иярүче формасы белән авыручы 5 кеше яши. Алар тикшерелүләрдән һәм дәвалаулардан качалар. Шул рәвешле гаиләләренең һәм тирә-юньдәгеләрнең гомерләренә һәм сәламәтлекләренә куркыныч тудыралар. Район прокуратурасы тикшерүе нәтиҗәләре буенча, мәҗбүри медицина тикшерүен үткәрү һәм дәвалау өчен гражданнарны госпитализацияләү турында судка 5 гариза керде. Бүгенге көндә дәгъвалар карау стадиясендә.