Апастово
  • Рус Тат
  • “Күпме күтәрергә ярый?..

    "…Язгы чәчү көннәре җитә. Башкалар белән беррәттән ындыр табакларында, амбарларда авыл хатын-кызларын да эшкә кушачаклар. Ә закон буенча хатын-кызларга нинди авыр физик хезмәт башкарырга, күпме авырлык күтәрергә ярый? Чәчүлек тулы капчыклар бит бер дә җиңел түгел…" Укучыбыз соравына район прокуроры урынбасары Фатыйх Хафизов җавап бирә: -Россия Законнары нигезендә сәламәтлеккә зыянлы...

    "…Язгы чәчү көннәре җитә. Башкалар белән беррәттән ындыр табакларында, амбарларда авыл хатын-кызларын да эшкә кушачаклар. Ә закон буенча хатын-кызларга нинди авыр физик хезмәт башкарырга, күпме авырлык күтәрергә ярый? Чәчүлек тулы капчыклар бит бер дә җиңел түгел…"

    Укучыбыз соравына район прокуроры урынбасары Фатыйх Хафизов җавап бирә:

    -Россия Законнары нигезендә сәламәтлеккә зыянлы шартлары булган авыр физик эшләрне башкарганда хатын-кызлар хезмәтеннән файдалану тыела. Шулай ук җир асты эшләрендә дә хатын-кызлар хезмәте чикләнә. Чикләү санитар һәм көнкүреш хезмәте күрсәтү һәм физик көч таләп ителмәгән очракларда гына кулланылмый. Сәламәтлеккә зыянлы шартларда авыр физик хезмәттә хатын-кызлар хезмәтен тыю исемлеге даими карала һәм раслана. Россия Федерациясе Хөкүмәтенең 1993 ел, 6 февраль, 105нче Карары нигезендә хатын-кызлар өчен авырлык күчерүдә максималь берәмлек түбәндәгечә билгеләнә:

    -Туктаусыз бер эш сменасында бер күтәрүдә - 7 кг;

    -Башка эш белән чиратлаштырылганда (1 сәгатькә ике тапкыр) бер күтәрүдә - 10 кг.

    -Йөкле хатын-кызлар өчен йөкләнеш һәм чикләүләр СанПиН 2.2.0.555-96нчы "Хатын-кызлар хезмәтендә каралган гигиеник шартлар"га нигезләнә:

    -Башка эшләр белән чиратлаштырылганда (1 сәгатькә ике тапкыр) бер күтәрүдә - 2,5 кг;

    -Туктаусыз бер эш сменасында йөк күтәрү һәм күчерү бер күтәрүдә - 1,25 кг;

    -1 эш сәгатендә даими рәвештә 5 метр ераклыкка кадәр тигез өслектә йөк күчерү - 60 кг;

    -8 сәгатьлек эш сменасында тигез өслектә суммар йөк күчерү - 480 кг.

    Хуҗалык җитәкчеләре, ындыр табаклары һәм иген амбарларында эшне оештыручы белгечләр һәм бригадирлар менә бу таләпләрне катгый белергә һәм үтәргә бурычлы. Законнар хатын-кызларыбыз сагында тора һәм гүзәл затларыбызның сәламәтлеген кайгырту илкүләм бурычларның берсе булып санала!

    Нравится
    Поделиться:
    Реклама
    Комментарии (0)
    Осталось символов: